ટેલિકોમ્યુનિકેશન વિભાગ સરકાર, નિયમનકારો અને નાણાકીય સંસ્થાઓ દ્વારા સેવા અને વ્યવહાર સંબંધિત ફોન કોલ્સ માટે 160 થી શરૂ થતી એક અલગ 10-અંકની નંબર શ્રેણી ફાળવવામાં આવી છે. વિભાગ દ્વારા મંગળવારે જારી કરાયેલ ઓફિસ મેમોરેન્ડમ અનુસાર, આ 10-અંકની નંબર શ્રેણીને એવી રીતે ડિઝાઇન કરવામાં આવી છે કે ટેલિકોમ ગ્રાહકોને ટેલિકોમ ઓપરેટર સાથે કોલિંગ યુનિટ અને કોલની જગ્યા વિશે ખબર પડશે. સત્તાવાર નિવેદન અનુસાર, “ટેલિકોમ કોમર્શિયલ કોમ્યુનિકેશન્સ કન્ઝ્યુમર પ્રેફરન્સ રેગ્યુલેશન્સ (TCCCPR), 2018 હેઠળ સર્વિસ અને ટ્રાન્ઝેક્શન સંબંધિત ફોન કૉલ્સ (Service transaction calls) માટે એક અલગ નંબર સીરિઝ 160 ફાળવવાનો નિર્ણય લેવામાં આવ્યો છે.”
છેતરપિંડી રોકવામાં મદદ કરશે
આ પગલાનો હેતુ ગ્રાહકોને સરકારી સંસ્થાઓ અને નિયમનકારી સંસ્થાઓ દ્વારા કરવામાં આવેલા કૉલ્સ અને સરકારી અધિકારીઓનો ઢોંગ કરતા છેતરપિંડી કરનારાઓ દ્વારા કરવામાં આવેલા કૉલ્સ વચ્ચે તફાવત કરવામાં મદદ કરવાનો છે. નવી નંબર શ્રેણી સરકારો અને નિયમનકારોને 1600ABCXXX ફોર્મેટમાં રિલીઝ કરવામાં આવશે. આમાં ‘AB’ ટેલિકોમ સર્કલનો કોડ બતાવશે જે દિલ્હી માટે 11, મુંબઈ માટે 22 હશે. અંક ‘C’ ટેલિકોમ સેવા પ્રદાતાનો કોડ સૂચવે છે જ્યારે ‘XXX’ 000-999 વચ્ચેના અંકો હશે.
માત્ર સર્વિસ અને ટ્રાન્ઝેક્શન કોલ કરી શકશે
તેવી જ રીતે, RBI, સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (SEBI), પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી (PFRDA) અને ઈન્સ્યોરન્સ રેગ્યુલેટરી એન્ડ ડેવલપમેન્ટ ઓથોરિટી (IRDA) દ્વારા નિયંત્રિત નાણાકીય સંસ્થાઓ માટે 10 અંકનો નંબર 1601ABCXXX ફોર્મેટમાં જારી કરવામાં આવશે. ટેલિકોમ સેવા પ્રદાતાએ 160 શ્રેણી નંબર ફાળવતા પહેલા દરેક એન્ટિટીની યોગ્ય ચકાસણી કરવી જોઈએ. આ ઉપરાંત, તેણે રસ ધરાવનાર સંસ્થા પાસેથી એફિડેવિટ લેવું પડશે કે તે આ શ્રેણી હેઠળ ફાળવવામાં આવેલા નંબરનો ઉપયોગ સેવા અને ટ્રાન્ઝેક્શન કૉલ્સ માટે જ કરશે.
